Volkswagen AG и Microsoft Corp. ја прошируваат нивната соработка, која вклучува облачна технологија на софтверскиот гигант во САД, за да го забрзаат процесот на развој на автоматско возење.
Новиот оддел за софтвер на VW ќе изгради облак-платформа со Microsoft што ќе помогне во поедноставување на развојните процеси и ќе овозможи побрза интеграција во нејзината флота, пренесува „Блумберг“, повикувајќи се на информации од германскиот производител на автомобили.
„Како дел од трансформацијата на групацијата VW во снабдувач на дигитална мобилност, ние постојано се стремиме кон поголема ефикасност во развојот на софтвер“, рече Дирк Хилгенберг, раководител на CarWoftware на VW.
Најголемиот производител на автомобили во Европа има предвидено околу 20 милијарди евра (33 милијарди долари) за дигитални операции до 2025 година и планира да го зголеми учеството на софтвер, што го развива во компанијата, на 60% од 10% во моментов.
За прв пат, VW потпиша договор со Microsoft во 2018 година за облак за поврзување на идните автомобили и ќе ги спроведе првичните тестови подоцна оваа година. Софтверот се планира да се користи во автомобилите за производство на VW од 2022 година.
Microsoft додаде уште еден автомобилски партнер на почетокот на оваа година, здружувајќи ги силите и инвестирајќи во Cruise LLC, сопственост на General Motors Co.
Друг технолошки гигант, Amazon.com, исто така работи со VW на индустриски облак што ќе ги поврзе фабриките на производителот на автомобили.