Во понеделникот Volkswagen објави дека најавената почетна јавна понуда (ИПО) на Porsche се одвива според планот и покрај проблемите на светските пазари и растечката енергетска криза во Европа.
„Работите напредуваат според планот“, рече главниот финансиски директор Арно Антлиц во изјавата објавена на корпоративната интернет страна на Volkswagen во понеделникот.
„Собраните пари ќе ни дадат поголема флексибилност за дополнително да ја забрзаме трансформацијата“, рече Антлиц, кој беше вклучен во подготовката на она што се очекува да биде меѓу најголемите продажби на акции во Европа во историјата.
ИПО доаѓа во време на најлоши пазарни услови во последните години. Официјално, VW почна да се подготвува да ја направи јавна една од своите највредни компании во февруари, непосредно пред руската инвазија на Украина да донесе хаос на пазарот и да иницира енергетска криза во Европа.
VW го објави планот во февруари. Овој потег ќе им даде на семејствата Porsche и Piëch, кои го имаат најголемиот блок акции во групацијата VW, „блокирачко малцинство“ во Porsche, обезбедувајќи дека тие можат да влијаат на сите клучни одлуки.
Сепак, одлуката за ИПО на Porsche сепак ќе зависи од општите пазарни услови, изјави неодамна Porsche SE, а вреднувањата во моментов изгледаат многу привлечни.