Популарната апликација за пораки WhatsApp постепено почна да работи денеска околу 10 часот наутро по средноевропско време, првично за некои корисници во Индија, Азија и Велика Британија, кои рекоа дека можат да испраќаат и примаат пораки и видеа.
Компанијта Meta соопшти дека идентификувале проблем со функционалноста откако корисниците ширум светот објавија претходно денеска дека WhatsApp не работи, објави Ројтерс.
Портпаролот на Мета платформи рече дека луѓето ширум светот имаат проблеми со испраќање и примање пораки бидејќи WhatsApp не е во функција и им се извини на корисниците за непријатностите.
Компанијата не ја откри причината поради која WhatsApp не функционираше денеска.
WhatsApp има повеќе од две милијарди месечни корисници и стана главна апликација за пораки во многу земји.