YouTube се стекна со светска слава како платформа на која може да се поставува било какво видео.
Во последниве години, авторите беа насочени да снимаат дела подолги од 10 минути, со цел да го зголемат вниманието на гледачите, да го зголемат времето поминато со видео и така да ги зголемат приходите од реклами. Но, како конкурент, неодамна им се „провлече“ TikTok, социјална мрежа каде должината на видеото се мери во секунди, така што YouTube одговори со лансирање на Shorts минатата година.
Услугата моментално е достапна на пазарите во САД и Индија, со потенцијал да се прошири и на остатокот од светот. Сепак, од Google сакаат, покрај проширувањето на достапноста на Shorts, да осигурат дека има доволно квалитетна содржина во тој дел што ќе ги привлече гледачите, па тие се зафатија со смислување начини за монетизација и наградување на авторите.
За да ги мотивираат јутуберите и сите други да создаваат кратки видеа како дел од услугата Shorts, тие го основаа YouTube Shorts Fund, за кој издвоија дури 100 милиони долари. Тие пари ќе бидат распределени на автори во текот на оваа година и до крајот на следната година. За дел од оваа голема финансиска торта, сите корисници на YouTube ќе можат да „гребнат“, едноставно создавајќи содржина погодна за објавување на делот „Shorts“.
Секој месец, директорите на YouTube ќе ги изберат авторите чија содржина била најгледана и кои охрабрувале најголем ангажман на корисниците. Најгледаните и најактивните автори ќе бидат адекватно наградени финансиски и со своите повратни информации ќе можат да учествуваат во понатамошни подобрувања на YouTube Shorts.
Ова е само првиот чекор во монетизацијата на кратката содржина, рекоа од YouTube. Тие исто така забележуваат дека во последните три години веќе исплатиле над 30 милијарди долари на автори од целиот свет и дека прават се за финансиски да ја наградат новата генерација на јутубери кои ќе се најдат во кратки вирусни видеа.