Доларот порасна во однос на кошничката валути минатата недела, бидејќи ФЕД ги остави каматните стапки непроменети, додека еврото ослабе откако Европската централна банка дополнително ги намали каматните стапки.
Индексот на доларот, кој ја мери вредноста на американскиот долар во однос на шесте главни светски валути, минатата недела се зголеми за 0,9 отсто, на 108,50 поени. Курсот на еврото во однос на доларот падна за 1,3 отсто, на 1,0365 долари. Сепак, американската валута ослабе во однос на јапонската, за 0,5 отсто, а нејзиниот курс се „лизна“ на 155,20 јени.
По две недели пад, индексот на доларот порасна минатата недела откако лидерите на американската централна банка одлучија да ги задржат каматните стапки на нивното сегашно ниво на нивната редовна средба. Ова беше очекувано, но инвеститорите беа изненадени од пораката на ФЕД дека темпото на раст на цените „останува покачено“, додека во изјавите од претходните седници се вели дека „постигнат е напредок“ во однос на инфлацијата.
Претседателот на ФЕД, Џером Пауел на прес-конференција рече дека централната банка не треба да брза со прилагодување на политиката, имајќи предвид дека монетарната политика е добро позиционирана за предизвиците што претстојат. Пауел додаде дека е премногу рано да се каже како политиката на претседателот Доналд Трамп ќе влијае на економијата и инфлацијата, па ФЕД ќе почека додека одговорите на тие прашања не бидат појасни.