Промената дојде со ТикТок – на корисниците повеќе не им се прикажува исклучиво содржината на луѓето што ги следат, туку само најдобрата и најсмешната содржина.
Познато е дека Фејсбук во последно време е во големи неволји, што можеме да го видиме од падот на бројот на корисници, но и од состојбата на берзата, каде годинава загубија стотици милијарди долари. Во едно неодамнешно интервју, Марк Закерберг објасни што може да биде причината за тие проблеми и ја призна својата грешка во однос на стратегијата на компанијата.
Пред неколку години, имено, Закерберг беше убеден дека корисниците сакаат Фејсбук да стане што е можно повеќе лична платформа, односно на нивните фидови да се појавуваат содржини објавени од нивните пријатели и роднини. Денеска е очигледно, како што и самиот призна, дека тоа било сосема погрешен начин на размислување, наведува „zimo.dnevnik.hr“.
Излегува дека корисниците сакаат најдобра и најквалитетна содржина и не е важно кој ја објавува таа содржина. Тоа навреме го препознале во ТикТок, поради што популарноста на оваа мрежа постојано се зголемува, додека корисниците полека го напуштаат Фејсбук.
Иако Мета на Инстаграм се обиде да го промени алгоритмот за да биде посличен на ТикТок, корисниците не беа задоволни бидејќи не сакаат мрежата да стане само копија на ТикТок.
Цукерберг истакнува дека на почетокот, ТикТок не се вклопувал во неговиот „шаблон на социјални работи“ и повеќе изгледал како пократка верзија на Јутјуб. Денес, тој вели дека е важно Мета да создаде алгоритам кој ќе им препорача на корисниците различни содржини за забава, но за разлика од ТикТок, тој не сака да се фокусира само на видеа, туку и на фотографии и текстуални содржини.
„Понекогаш сакам само да гледам видеа, но често ги сакам само најдобрите работи“, објасни тој во интервју за „Stratechery“.