Шпанските парламентарци денеска ја легализираа еутаназијата со големо мнозинство гласови, и покрај силното противење на Католичката црква и десничарските партии.
Владиниот предлог-закон за еутаназија, кој ќе може да се спроведува само под строго пропишани услови, беше изгласан со мнозинство од 198 гласа „за“ наспроти 138 гласа „против“. Двајца пратеници беа воздржани.
Законот за еутаназија следната година допрва треба да ја донесе постапката во Сенатот.
Што значи тоа за тешко болните?
Предлог-законот наведува дека лице кое страда од сериозна или неизлечива болест има право да побара помош при умирање, под услов да го побара тоа за да избегне неподносливо страдање.
Барањето мора да се достави во писмена форма, а потоа мора да се повтори по петнаесет дена. Тогаш мора да биде одобрен од двајца лекари, по што барањето оди до надлежната комисија.
Здравствените работници кои не сакаат да учествуваат во постапката им се признава правото на приговор на совеста. Трошоците за постапката ќе одат во државниот буџет.