Запален еврејскиот дел од централните гробишта во Виена, исцртани кукасти крстови

Претседателот на Еврејската заедница на Австрија, Оскар Дојч, соопшти дека синоќа бил опожарен еврејскиот дел од централните гробишта во Виена.

„Изгоре претсобјето на свечената сала, на надворешните ѕидови беа исцртани кукасти крстови“, напиша Дојч на социјалната мрежа X (Твитер).

Тој навел дека нема повредени, а противпожарната служба и полицијата вршат увид, пренесува „Танјуг“.