Започна третото испуштање на прочистена радиоактивна вода од Фукушима во океанот

Од оштетената јапонска нуклеарна централа Фукушима денеска започна третото испуштање на 7.800 тони прочистена радиоактивна отпадна вода во океанот.

Јапонските власти навеле дека двете претходни испуштања поминале без проблем, објави АП.

Операторот на нуклеарната централа ТЕПКО, наводно, испуштил 7.800 тони прочистена вода во секое од првите две испуштања и планира да испушти иста количина во третата серија до 20 ноември.