Иако BMW го претстави уникатниот пик-ап X7 уште во 2019 година, тоа не значи дека Баварците еден ден ќе понудат нешто слично на клиентите.
Шефот на дизајнот на BMW, Адријан ван Хујдонк, во изјава за медиумите беше јасен дека пикап не е на повидок.
„Тоа не е очигледно соодветно за брендот BMW. Не мора да го следиме секој тренд што се случува“, изјави тој за BMWBlog.
„Ако влеземе во сегментот, тогаш сакаме тоа да биде на долги патеки. Она што го гледам и ми е интересно е дека за време на КОВИД видовме тренд дека луѓето сакаат да поминуваат време на отворено“.
Ван Хујдонк имаше убави работи да каже за пик-ап возилата. Тој наведува дека „стануваат пософистицирани“ и „префинети“.
Кога Mercedes еднаш го вклучи пик-ап моделот од X-класа во својата понуда (развиен во соработка со алијансата Renault-Nissan, прекинат во 2020 година), се појави прашањето дали нешто слично може еден ден да понуди BMW. Тогаш доаѓаа изјави од BMW во кои се наведува дека ваквата варијанта на каросеријата не одговара на имиџот на нивниот бренд, односно не одговара на нивните гени и култура.
Иако BMW призна дека има огромен потенцијал во тој сегмент, беше забележано дека тие не се подготвени да се променат од статус на производител на врвни машини за возење во масовен производител кој го брка потенцијалот на сегментот на пик-ап возила.
Создавањето на пик-апот BMW X7 е заслуга на група од 12 практиканти во BMW на кои им беа потребни 10 месеци за да го завршат овој проект.
Пик-апот X7 има сосема поинаков заден дел во споредба со обичниот X7 (што исто така значи дека има место за пет патници), а бидејќи многу од новите елементи се направени од јаглеродни влакна, ова возило е полесно за околу 200 kg од обичен X7. Подот на багажниот простор е покриен со дрвени панели, додека должината на употребливиот багажен простор е 2 метри (со задната врата надолу).