Две лица загинаа во големите поплави кои зафатија делови од Пекинг откако силен тајфун го погоди кинескиот главен град, претворајќи ги патиштата во реки и заробувајќи стотици луѓе во нивните домови.
Видео кое ја замрзнува крвта во вените кое се појави на интернет докажува колку се моќни поплавите. Маж седи во автомобил, а страшната поплава ги носи и него и возилото, тој се обидува да излезе и бара помош.
Делови од северна Кина, вклучително и Пекинг, беа погодени од силни поплави предизвикани од тајфунот, најсилното невреме што ја погоди земјата во последните години, што со себе донесе рекордни врнежи.
„Тајфунот падна на копно во петокот, на 28 јули, урна далноводи и откорна дрвја, погодувајќи околу 880.000 луѓе во крајбрежјето Фуџиан и принудувајќи повеќе од 350.000 луѓе да се евакуираат“, објавија државните медиуми.