Заврши полицискиот распит, братот на Мијалков замина од ПС „Пролет“

Влатко Мијалков попладнево беше на распит по исчезнувањето на неговиот брат Сашо Мијалков во полициската станица „Пролет“ каде јави ТВ21. Надвор го чекаа и новинарски екипи кои, сепак, останаа без изјава.

Според ТВ21, во меѓувреме е завршен распитот и на останатите роднини и блиски соработници на поранешниот директор на Управата за безбедност и контраразузнавање (УБК).

Министерството за внатрешни работи попладнево распиша меѓународна потерница, меѓутоа од Мијалков нема ни трага ни глас. Во петокот ги даде завршните зборови за „Таргет-Тврдина“, случај за кој беше најавена пресуда за задутре (среда, 24 февруари).