Зеленски го честиташе Божиќ и ги повика Украинците да истраат и покрај руските напади

Украинскиот претседател Володимир Зеленски денеска им честиташе на сите кои го слават Божиќ според Грегоријанскиот календар и го повика својот народ да истрае и покрај руските напади.

Во пркосното обраќање, Зеленски, меѓу другото, рече дека „слободата има висока цена, но ропството е уште повисоко“, пренесува Би-Би-Си.

Руските ракетни и беспилотни напади оставија милиони Украинци без струја, греење и вода, а во саботата во руските воздушни напади загинаа 10 луѓе во Керсон, јужна Украина, соопштија официјални лица.