Зеленски: Нашата армија не ги напушта позициите во Северодоњецк

Украинскиот претседател Владимир Зеленски изјави синоќа дека украинската армија не ги напушта позициите во Северодоњецк, градот во кој моментално се водат најголемите улични борби.

„Нашите херои не се откажуваат од своите позиции во Северодоњецк. Во градот се водат жестоки улични борби“, рече Зеленски, пренесе „Ројтерс“.

Кога станува збор за поширокиот, индустриски дел од регионот Донбас, каде што се наоѓа Северодоњецк, Зеленски рече дека „украинскиот Донбас стои цврсто“.