Зеленски: Русија 25 дена не може да ги најде „нацистите“ од кои сакаат да нѐ „заштитат“

Украинскиот претседател Володимир Зеленски, како и редовно ѝ се обрати на нацијата преку својот Фејсбук околу полноќ. Обраќањето на првиот човек на Украина доаѓа по завршувањето на 25-тиот ден од почетокот на руската инвазија на неговата татковина.

-Веќе 25-ти ден руската армија ги бара и не може да ги најде „нацистите“ што ги измислија, од кои наводно сакале да го заштитат нашиот народ. Додека бараат, не можат да најдат Украинци кои би ги поздравиле со цвеќе.

И што е најважно, руската армија не може да го најде патот до дома. Затоа нашите војници им помагаат на патот кон Божјиот двор, порача Зеленски доцна синоќа.