Зеленски се сретна со Залужни: Му се заблагодарив, време е за обнова на армијата

Украинскиот претседател Володимир Зеленски денеска му се заблагодари на началникот на Генералштабот на украинската армија Валериј Залужни за одбраната на Украина, неколку дена откако медиумите објавија дека се очекува смена на првиот човек на украинската армија.

„Се сретнав со генералот Валериј Залужни. Му се заблагодарив за две години бранење на Украина. Разговаравме за обнова на вооружените сили на Украина, која е неопходна“, објави Зеленски на социјалната мрежа „Икс“.

Тој додаде дека разговарале за тоа кој би можел да биде дел од новото раководство на украинската армија.