Зеленски: Украинските сили ги држат своите позиции во Курск

Претседателот на Украина, Володимир Зеленски, денеска изјави дека руските сили се обиделе да ги отстранат украинските војници од нивните позиции во руската погранична област Курск, но дека украинските сили ги задржале своите линии.

„Во врска со операцијата Курск, Русија се обиде да ги потисне нашите позиции, но ние држиме одредени линии“, рече Зеленски во своето видео обраќање преку ноќ, пренесе Ројтерс.

Руското Министерство за одбрана вчера соопшти дека руските сили повторно зазеле две села во руската погранична област Курск.