Освен што загинаа над 7.000 лица и предизвика огромна хуманитарна криза, земјотресот со интензитет од 7,8 степени по Рихтер во Непал предизвика и … намалување на Монт Еверест, пишува “Хафингтон пост” (HuffingtonPost.com).
Според податоците на конзорциумот за геофизички истражувања UNAVCO највисокиот врв на Земјата се спушти со 1 инч (2,54 cm).
Анализата се заснова на податоци од сателитот “Сетинал-1” на Европската вселенска агенција, кој прелетал над погодената област на 29 април.
Според Роџер Билм, професор по геолошки науки на универзитетот Колорадо Болдер, врвот се снизил само со милиметар-два, но планинскиот масив Анапурна, кој се наоѓа во близина на епицентарот на потресот, “пораснал” со 20 см.
Областа околу главниот град Катманду исто се издигнал со околу 3 стапки (во близина 91,5 см), објави Германскиот вселенски центар.