Жена и две деца се удавија во средата, откако брод со најмалку 20 мигранти потона крај брегот на грчкиот остров Лезбос, соопштува Ројтерс.

Според информации од грчката крајбрежна стража, хеликоптер на европската агенција за гранична контрола Frontex забележал превртен брод, а локални нуркачи помогнаа да бидат откриени телата на жената и двете деца. Националноста на загинатите не е специфицирана.

Други 21 лица од истиот брод биле спасени порано вчера од турската крајбрежна стража. Сеуште не се познати и околностите околу инцидентот.