28
На островите во Јадранското Море има помалку хронични незаразни болести отколку на копното, со еднаква достапност на здравствена заштита, како и подобра мрежа на матични лекари, примарни педијатри и гинеколози, покажува анализата на хрватскиот Институт за јавно здравје (ХЗЈЗ).
„Причините за користење на здравствената заштита се исти како и на копното, но со анализа на податоците е забележано дека на островите има помалку заболени од хронични незаразни болести“, истакна директорот на ХЗЈЗ, Крунослав Чапак.
На островите живеат околу 110.000 жители, со поголем процент на постари луѓе отколку на копното. Само 12,7 отсто од населението на островите се помлади од 14 години, додека 14,3 отсто се на копното.