Индискиот туристички град Гоа ќе стане првиот град во земјата, каде што нема да се потребни пари. 
Од 31 декември плаќањето за што и да било ќе може да се извршува од мобилен телефон или преку кредитна картичка. Како што вели главниот секретар на државата Раџеш Кумар Шривастава, “сите трансакции ќе се вршат од мобилен телефон. Парите за купувањето ќе бидат влечени од банкарската сметка на купувачот”.
Тој е убеден дека по малку повеќе од еден месец во Гоа нема да биде потребно да се носат паричници и “професијата џепчија наскоро може да замре”.
Така од 31 декември на територијата на државата ќе може да се плати за сите производи, вклучувајќи за риба, месо и зеленчук, со внесување на соодветниот код од мобилниот телефон. За договорот дури и не треба да се користи smartphone.
Овој систем ќе овозможи исплата со малите трговци кои често продаваат лесно расиплива стока и немаат постерминали за плаќање со кредитна картичка.
Во исто време ќе продолжат да работат банкоматите, а во продавници или хотели ќе може да се плаќа со кредитна картичка. Исплата со банкноти не е забранета, но во Гоа очекуваат постепено да преминат на “општество без готовина.”
Гоа е релативно мал индиски град со население од околу 1,5 милиони луѓе. Луѓето тука сепак се доста богати – повеќето имаат банкарски сметки и мобилни телефони. Освен тоа, во “рајската земја” доаѓаат многу странски туристи кои преферираат да плаќаат со кредитна картичка.