Коронавирусот не го заобиколи ниту Златан Ибрахимовиќ, кој бил позитивен на Ковид-19 во четвртокот.
Оваа информација ја објави неговиот клуб Милан, а подоцна и самиот Швеѓанец се огласи.
Во пресрет на мечот против Бодо/Глимт, кој ќе го пропушти Ибрахимовиќ, тој на својот профил на Твитер напишал:
„Вчера бев негативен, денес сум позитивен. Немам никакви симптоми. Ковид-19 имаше храброст да ме предизвика. Тоа е лоша идеја“, објавил Златан.
I tested negative to Covid yesterday and positive today. No symptoms what so ever. Covid had the courage to challenge me. Bad idea
— Zlatan Ibrahimović (@Ibra_official) September 24, 2020
Се проценува дека Ибрахимовиќ ќе биде десет дена во карантин, што значи ќе пропушти два или три натпревари во Серија А.
Покрај него, во Милан позитивен е и Лео Дуарте.