Цените на златото продолжуваат да растат. Аналитичарите на UBS предвидуваат дека во следните 12 месеци цената на златото ќе достигне 2.900 долари во случај на дополнително намалување на каматните стапки на ФЕД (следното намалување може да се очекува на седницата на 6 и 7 ноември).
Ова не е смело предвидување, бидејќи веќе е речиси 2.750 долари.
Менаџерот на хеџ фондот и милијардер, Пол Тудор Џонс Втори во разговор за CNBC откри дека многу инвестира во злато и биткоин, бидејќи очекува дека без разлика на исходот од изборите во САД, инфлаторните притисоци ќе продолжат.
Неговото портфолио е фокусирано на заштита од инфлација. Тој има долги позиции во злато и биткоин, како и во стоки.
Цената на златото годинава е зголемена за дури 33 отсто, а на биткоинот за речиси 60 отсто.