Еден од најбогатите луѓе во светот, Бил Гејтс, ги коментираше теориите на заговор во кои често е споменуван во негативен контекст.
Во разговорот на Твитер со Деви Сридар од Универзитетот во Единбург, тој ги коментираше теориите на заговор според кои тој е наводно одговорен за фактот дека чипови се вградуваат во човечките тела преку вакцинацијата против коронавирус.
„Луѓето како мене и Ентони Фаучи се предмет на многу дезинформации. Не го очекував тоа. Нема смисла една од теориите за вградување чипови во рацете на луѓето. Зошто би го направил тоа?“, прашува Гејтс.
People like you and I and Tony Fauci have been subject to a lot of misinformation. I didn't expect that. Some of it like me putting chips in arms doesn't make sense to me – why would I want to do that?#
— Bill Gates (@BillGates) January 11, 2022
Неговата 24-годишна ќерка Џенифер, која студира медицина, се пошегувала на сметка на теоретичарите на заговор во февруари минатата година откако била вакцинирана.
„За жал, вакцинацијата не ми ја всади генијалноста на татко ми во мојот мозок. Кога само mRNA би ја имаше таа моќ “, изјавила таа.
Бил Гејтс исто така истакна дека очекува наскоро да заврши пандемијата на коронавирус и дека овој вирус ќе се третира како сезонски грип.