Храната што ја јадете ви дава енергија за тренинг, но и хранливи материи неопходни за закрепнување по тренингот. Сепак, некои луѓе понекогаш прескокнуваат оброк по вежбањето затоа што мислат дека тоа ќе им помогне побрзо да ги изгубат мастите – но тоа може да биде контрапродуктивно.
Зошто е важен оброкот по тренингот?
За време на вежбањето, ги трошите резервите на енергија, особено гликогенот од вашите мускули и црн дроб. Кога тие ќе се исцрпат, телото преминува на согорување на масти, а потоа на протеини.
По тренингот, потребно е да се надополни гликогенот, да се внесуваат протеини за закрепнување на мускулите, како и есенцијални масни киселини, антиоксиданси, витамини и минерали, се известува.
Што се случува ако не јадете веднаш по тренингот?
Ако понекогаш само прескокнувате оброк, веројатно нема да се случи ништо сериозно.
Меѓутоа, ако редовно прескокнувате оброк или сериозно го ограничувате внесот на храна, можете да му наштетите на вашето тело. Ова се манифестира преку полошо управување со тежината, намален внес на калории, замор, ментална магла и лошо расположение.
Замор и намалени перформанси во иднина
Несоодветниот внес може да го продолжи закрепнувањето и да го зголеми ризикот дека нема да можете оптимално да се претставите на следната тренинг сесија. Пополнетите резерви на гликоген се клучни за добри перформанси.
Зошто луѓето го прескокнуваат тој оброк?
Тренингот често го намалува гладот, па затоа луѓето не сакаат да јадат веднаш по него. Се препорачува протеински шејк или лесен оброк со протеини и јаглехидрати ако не сте во можност да изедете целосен оброк.
Мастите и влакната се избегнуваат веднаш по тренингот бидејќи го забавуваат варењето и апсорпцијата.
Идеален оброк по тренингот
Ако можете да изедете вистински оброк еден час по вежбањето – одлично.
Ако не – протеинскиот шејк е добра алтернатива.
Кога сте подготвени за поголем оброк, вашиот фокус треба да биде на:
сложени јаглехидрати (овесна каша, кафеав ориз, интегрален леб),
протеини (пилешко, стек, тофу, лосос),
зеленчук и здрави масти (маслиново масло, јаткасти плодови, сирење).