На првиот ден од снимањето на седмиот дел од Невозможна мисија, Том Круз реши да сними една од најлудите акробации. Во Хелесилт, Норвешка, снимил опасна сцена во која со голема брзина вози мотор и излетува од карпа. После тоа, тој мораше да го отвори својот падобран и полека да се спушти на безбедно, што повеќето луѓе во шеесеттите не би го направиле така лесно. Оваа акробација е наречена најопасна во филмската историја, а актерот за неа се подготвувал со месеци. Направил повеќе од 500 скокови со падобран и 13 илјади скокови со мотор.
Ја повторил шест пати додека не бил целосно задоволен со сите детали. Имено, тој бил убеден дека може да го задржи мотоциклот во воздух уште малку, пред да биде пуштен и да „падне“.
Фановите беа импресионирани од посветеноста на Круз за улогата и го пофалија на интернет.
– Том Круз е најголемата филмска ѕвезда во историјата.
„Количината на работа што ја вложи е едноставно неверојатна. Каква легенда“, пишува друг.
„Фактот дека на 60 години ја прави најопасната акробација во филмската историја говори само по себе. Тој буквално направи невозможна мисија“, истакнува третиот.
Mission Impossible Dead Reckoning, Part One ќе се појави во кината на 12 јули.