Поранешниот британски премиер Борис Џонсон се откажа од намерата повторно да се кандидира за лидер на Конзервативната партија и премиер, по сомневањата меѓу конзервативните пратеници дека има доволно поддршка за политичко враќање.
Додека дел од конзервативците сметаат дека Џонсон повторно би можел да и донесе победа на партијата на изборите, многумина предупредија дека неговото враќање би било катастрофа по серијата скандали за време на неговиот мандат, пишуваат светските медиуми.
Партиски и национален интерес
Џонсон се повлече од трката за следен британски премиер во недела на 23 октомври, откако неговата кампања пропадна и ривалите тврдеа дека нема да ја добие поддршката од 100 конзервативни пратеници, што е неопходно за формална кандидатура, пишува „Фајненшл тајмс“.
И покрај избезумените обиди да собере поддршка, Џонсон објави дека се откажува од својата кандидатура да се врати на премиерската функција само неколку недели откако го напушти Даунинг стрит 10.
Џонсон меѓу кандидатите за нов премиер по оставката на Лиз Трас
Со неговото пензионирање, поранешниот министер за финансии Риши Сунак е фаворит за наследник на Лиз Трас како лидер на конзервативците и премиер.
Џонсон во соопштението објавено во 21 часот рече дека собрал поддршка од повеќе од 100 пратеници од ториевците, но дека се повлекува поради партиски и национален интерес, на што, како што истакнува британскиот весник, член на таборот на Сунак рекол: „Тоа очигледно не е точно“.
Претходно истиот ден, Џонсон се бореше да ја добие јавната поддршка од значителен број пратеници. Според пресметката на Фајненшл Тајмс, поранешниот премиер јавно го поддржале 52 пратеници, а Сунак повеќе од 130.
Покрај Сунак, во трката останува и Пени Мордан, која ја поддржуваат помалку од 30 пратеници од конзервативците. Доколку до денес, 24 октомври не го достигне прагот од 100 пратеници, Сунак ќе биде премиер.
Џонсон во изјавата рече дека неговото повлекување – само 12 часа откако ги повика поддржувачите да ги засилат напорите за зголемување на бројот на пратеници кои го поддржуваат – е целосно алтруистичко.
Според предлозите за избор на нов лидер, по гласањето на конзервативните пратеници, за изборот меѓу двајцата кандидати со најмногу гласови во парламентот би одлучувале пратениците на Конзервативната партија. Џонсон рече дека би добил глас меѓу членството, но дека дошол до заклучок дека тоа нема да биде правилно. „Не можете ефективно да владеете ако немате обединета партија во парламентот“, рече тој во изјавата.
Сомнежи во зборовите на поранешниот премиер
Најавата на Џонсон е значаен развој на настаните, посочува Би-би-си во анализата, посочувајќи дека многу негови поддржувачи во текот на денот биле убедени дека тој ќе се кандидира.
Џонсон рече дека мисли дека може да го придобие членството и да се најде во Даунинг стрит до крајот на неделата, но призна дека ќе има проблем да ја обедини Конзервативната партија зад себе.
Поранешниот премиер вели дека има поддршка од 102 пратеници, но тоа не може да се провери. Јавно, значително помалку од нив ја изразија својата поддршка, а можеби никогаш со сигурност не се знае колку пратеници ја поддржале неговата кандидатура.
Но, како што истакнува британскиот јавен сервис, слободно може да се каже дека многу пратеници од ториевците се скептични дека тој добил толкава поддршка како што тврди Џонсон.
Обид за договор со ривалите
Џонсон претходно официјално не се изјасни за својата кандидатура, иако на своите приврзаници им кажа дека има таква намера, бидејќи ја доби поддршката од седум министри во владата, пишува „Гардијан“.
Откако го скрати одморот на Карибите, Џонсон разговараше со Сунак и Мордонт во саботата, 22 октомври, во обид да ги убеди да застанат зад неговиот обид за политичко враќање.
Џонсон, како што посочува британскиот весник, рекол дека поради неуспехот да се постигне договор со Сунак и Мордонт, смета дека е најдобро да не се кандидира и дека ќе го поддржи победникот на изборите за лидер на конзервативците.
Одлуката на Џонсон стави крај на бурните неколку дена во кои тој започна енергична кампања за враќање на функцијата што ја напушти пред три месеци поради серија скандали, пишува „Њујорк Тајмс“.
Сепак, додава весникот, кампањата на поранешниот премиер никогаш не добила на интензитет, бидејќи истакнати членови на Конзервативната партија го поддржаа Сунак како подобра опција за обид за повторно обединување на длабоко поделената партија.