Во саботата, во Љубљана, се случи инцидент кој привлече внимание на социјалните мрежи. Според информациите од словенечкиот портал 24ur, инцидентот започнал во ресторан, а продолжил на улицата, каде се случила физичка пресметка која продолжила со пукање. На видеото што се споделува на интернет, се гледа група мажи како тепаат маж во зелена маица кој лежи на земја. Во еден момент, на местото на настанот доаѓа маж во бела маица, држејќи пиштол.
После тоа, групата напаѓачи се разотишла, но претепаниот човек во зелена маица го земал пиштолот и почнал да трча по напаѓачите, пукајќи додека се движел низ станбениот комплекс. Според информации од Полициската управа во Љубљана, инцидентот започнал кога двајца познаници се скарале во ресторан. За време на расправијата, мажот ја удрил жената, по што започнала тепачка, во која биле фрлени разни предмети и се слушнале истрели.
Откако напаѓачите избегале, осомничениот повторно се приближил до жената и ја удрил уште неколку пати. Потоа, тој си заминал и се пријавил во полициска станица. За среќа, и мажот и жената претрпеле полесни повреди.