Во близина на украинската населба Шостка, Сумска област, руските вооружени сили извршија ракетен напад со системот „Искандер“ врз украински воен камп. Според информациите од руското Министерство за одбрана, во нападот загинале до 70 припадници на украинските вооружени сили, како и 20 инструктори.
Целта на нападот бил тренинг камп на 1-та Посебна бригада за специјални намени на украинската армија, кој бил откриен по извидувачки активности во областа. Откако била утврдена точната локација, координатите биле предадени на ракетните единици, кои го извршиле ударот. Покрај човечките загуби, во нападот било уништено складиште за муниција, како и до десет воени возила на украинската армија.
Iskander-M entnazifiziert ein Trainingslager der 1.Separaten Spezialkräftebrigade der AFU in der Nähe von Schostka in der Region Sumy. pic.twitter.com/D6s7YrEjae
— 👑Мина👑 (@Mina7777Mina) May 20, 2025
Министерството за одбрана на Русија потсети дека на 26 април началникот на Генералштабот, Валериј Герасимов, го информирал претседателот Владимир Путин за успешното завршување на операцијата за „ослободување“ на Курската област од украински сили. Според него, руската армија продолжува да создава таканаречена безбедносна зона во Сумската област, каде што, според последните информации, се преземени под руска контрола пет населени места.
Последното од нив, селото Марџино, било заземено од единицата „Север“.
Нови напади и врз Херсон: Убиено едно лице, десетмина ранети
Покрај нападите во Сумската област, руската армија изврши и серија артилериски напади врз украинскиот град Херсон. Според локалните власти, во нападите врз централните делови на градот, вклучувајќи ги областите Дњепровски и Корабелни, загинало едно лице, а најмалку десет се повредени. Овие настани се дел од интензивираните борбени дејствија на источниот и јужниот фронт во Украина, каде што секојдневно се регистрираат нови напади и загуби од двете страни.
Ситуацијата на теренот останува тензична и непредвидлива.