Рускиот истражен комитет објави дека уривањето на двата железнички моста, кои се случија во Курскиот и Брјанскиот регион на границата со Украина, се третира како терористички напад. Според властите во Москва, мостовите се урнале поради експлозии.
Првиот инцидент се случи синоќа во 22:50 часот во округот Вигоњич, во Брјанскиот регион. Мостот се урна од експлозија, а делови од него паднаа врз патнички воз кој минувал под мостот на линијата Москва – Климов. Во оваа несреќа загинаа седум лица, а околу 69 се повредени.
Неколку часа подоцна, околу 3:00 часот наутро, се урна и железнички мост во Железногорскиот округ во Курскиот регион. Во оваа несреќа воз што минувал над мостот падна на патот под него. Повредени се машиновозачот и двајцата помошници. Рускиот истражен комитет засега работи на утврдување на сите детали околу овие инциденти.
Ukrainians or their agents blew up a bridge in Bryansk oblast right as a passenger train was passing underneath. Train crashed, badly. At least forty injured, several dead, some still trapped inside the train. Unconfirmed first reports suggest four IEDs destroyed the bridge. pic.twitter.com/os0IEX3rIZ
— Russians With Attitude (@RWApodcast) May 31, 2025