Џенифер Лопез (55) предизвика бура од реакции откако страсно бакна и машки и женски танчери во живо пред милиони гледачи на доделувањето на Американските музички награди 2025 (АМА), што се одржаа во Лас Вегас во понеделникот.
Настапот се случи само неколку месеци по нејзиниот развод од Бен Афлек, а обожавателите не штедеа критики.
Иако организаторите се обидоа да внесат свежина во шоуто со познато лице, многумина веруваат дека настапот на Лопез предизвикал повеќе непријатност отколку ентузијазам.
За време на отворањето, таа изведе мешавина од 23 добро познати песни од номинирани уметници, вклучувајќи ги „Birds of a Feather“ на Били Ајлиш, „Espresso“ на Сабрина Карпентер и „Texas Hold’Em“ на Бијонсе.
Jennifer Lopez makes out with her dancers during her opening number at the #AMAs.
— Buzzing Pop (@BuzzingPop) May 27, 2025
Реакциите на социјалните мрежи беа бурни. Гледачите ја опишаа нејзината изведба како „принудена“, „непријатна“ и „очаен обид да се привлече внимание“.
Моментот во кој Лопез бакнува танчерка привлече посебно внимание, што многумина го нарекоа „невкусно“.
„Џенифер Лопез целосно го изгуби компасот“, сподели корисник на X. „Зошто Џеј Ло ги бакнува сите?“, „Го кревам погледот од телефонот и гледам – Џенифер Лопез бакнува девојка“, се само некои од коментарите на X.
Били Ајлиш освои 7 награди
Што се однесува до самите награди, вечерта ја одбележа Били Ајлиш, освојувајќи награди во сите седум категории во кои беше номинирана, вклучувајќи ги и главните награди за изведувач на годината и омилен поп изведувач, потоа за албум на годината и омилен поп албум за „Hit Me Hard and Soft“, песна на годината и омилена поп песна за Birds of a Feather и омилен изведувач на турнеја.
Тејлор Свифт, и покрај тоа што имаше шест номинации, остана без признание.
Други значајни победници беа Лејди Гага, Бруно Марс, Бијонсе и Еминем.