🎥Голем пожар во Кина: Најмалку 16 лица загинаа, опожарена зграда со 14 ката и трговски центар

Најмалку 16 лица ги загубија животите во пожар во трговски центар во градот Зигонг, во југозападна Кина, јавија државните медиуми.

Пожарот избувнал во 14-катница, а пожарникарите успеале да извлечат 75 луѓе на безбедно, јави новинската агенција Ксинхуа.

Засега не е познато што го предизвикало пожарот, а спасувачката операција се уште е во тек, јавува АП.

Центарот опфаќа бројни ресторани, стоковна куќа, кино и канцеларии, а во моментот на пожарот внатре имало многу луѓе.
На видеата на социјалните мрежи може да се забележи густ црн чад, а како што пренесуваат локалните медиуми, пожарникарите користеле и дронови при гаснењето.