Продолжува успешната 20-годишна соработка меѓу Lamborghini и италијанската „Polizia di Stato“. Овој пат, Lamborghini и го достави Urus Performante на италијанската полиција, кој ќе стапи во употреба во 2024 година.
Церемонијата се одржа во Рим на Пјаца дел Виминале, пред седиштето на Министерството за внатрешни работи.
Стефан Винкелман, претседател и извршен директор на Automobili Lamborghini, му ги предаде клучевите на министерот за внатрешни работи Матео Пјантедоци во присуство на началникот на полицијата Виторио Писани.
Соработката помеѓу Automobili Lamborghini и италијанската државна полиција започна во 2004 година, а Urus Performante е шестиот модел кој влезе во таа флота. Супер SUV -от се приклучува на Huracan LP610-4 и ќе се користи за специјални услуги, вклучувајќи итен медицински транспорт на органи и плазма.
Lamborghini Urus Performante е опремен со твин-турбо V8 мотор кој испорачува 666 КС и 850 Nm вртежен момент, за максимална брзина од 306 km/h.