Во Лондон се одржува самит на лидерите од Западен Балкан како дел од Берлинскиот процес, а на еден од панелите на овој настан се случи интересен вербален судир меѓу премиерите на Албанија и Црна Гора, Еди Рама и Милојко Спајиќ.
Овој „судир“ се случи кога Спајиќ не се согласи со изјавата на Рама, кој потоа се потсмеваше на величината на Црна Гора.
„Дури имате две имиња, Црна и Гора“, рече албанскиот премиер со хумористичен тон.
Сепак, тој не застана тука. Спајиќ го продолжи својот говор велејќи дека Црна Гора ја вратила својата независност во 2006 година и дека е земја со историја што се протега со векови.
🇦🇱🇲🇪 Tensions between prime ministers of Albania and Montenegro during a joint panel:
Albanian PM Edi Rama joked about Montenegro's size after Montenegrin PM Milojko Spajic said he disagreed with him.
Rama also jokingly said Montenegrins are older than Greeks and Serbs, when… pic.twitter.com/g8tFNIbYdz
— kos_data (@kos_data) October 21, 2025
Рама му се потсмеваше на Спајиќ по оваа изјава, велејќи дека Црна Гора е „постара од Грција“, исто така со хумористичен тон.
„Таа е дури и постара од Србија“, додаде Рама, иако оваа забелешка не му беше смешна на Спајиќ, кој само го продолжи својот говор.
Инаку, клучна тема на самитот беше безбедноста, но и миграцијата. Иако Албанија прифати изградба на центри за бегалци од Италија, Рама рече дека оваа земја нема да биде центар за мигранти.
Од друга страна, Спајиќ рече дека Црна Гора не е дел од мигрантските рути поради неразвиената железничка инфраструктура и дека е подготвена да прими мигранти доколку има инвестиција во железницата во износ од 10 милијарди евра.