Публиката на Зимските олимписки игри што го исвирка потпретседателот на САД, Џ.Д. Венс, покажа „европска гордост“, изјави денес шефицата за надворешна политика на ЕУ, Каја Калас.
„И нашата јавност има гордост, европска гордост. Се гледа“, рече Калас, според Политико.
Таа додаде дека европската јавност „не слушнала многу убави зборови од Соединетите Американски Држави за Европа“.
За време на церемонијата на отворањето на Зимските олимписки игри на стадионот Сан Сиро во Милано, Италија, американската делегација беше пречекана со аплауз кога влезе на стадионот, но реакцијата на публиката беше поинаква кога потпретседателот на САД, Џ.Д. Венс, се појави на големото платно, станувајќи и аплаудирајќи им на спортистите кога се слушнаа свирежи од трибините, според порталот Брисел.
🇮🇹At the opening ceremony of the Milano Cortina 2026 Winter Olympics in Milan, JD Vance was loudly booed when shown on the stadium screen.
Source: https://t.co/TzYoballMK (Quantum GeoPolitiX) pic.twitter.com/yWQC0qjpvA
— Dr. Gevorg Melikyan (@GeorgeMelikyan) February 6, 2026
Дополнително, израелската делегација беше пречекана со кратки свирежи кога влезе на стадионот.
Венс минатата недела изјави дека европските претставници покажуваат двојни стандарди во начинот на кој се однесуваат кон американските претставници.
„Европејците се толку пријателски настроени приватно и се подготвени да направат многу прилагодувања, а потоа јавно нè напаѓаат и велат: „Нема да соработуваме со Американците. Нема да правиме ништо со Американците. Жал ми е. Се е лажно“, рече Венс.