Тешка сообраќајна несреќа се случи попладнево на прометната раскрсница меѓу Шарлоттенштрасе и автопатите Б27 и Олгаштрасе, во самиот центар на Штутгарт. Според првичните информации, теренско возило марка „Мерцедес Г-класа“ удрило во група пешаци кои се движеле кон трамвајската станица Олгаек.
Полицијата потврди дека има неколку повредени лица, но точниот број засега не е познат. Првично беше пријавено дека се повредени три лица, но подоцна бројката се зголеми на шест. „Има и лица со сериозни повреди,“ изјави портпаролката на полицијата.
❗ A car has hit into a group of people in the German city of Stuttgart, leaving some seriously injured, local police report.
According to the Bild newspaper, at least three people were injured and the driver of the car was detained . pic.twitter.com/Q5ugsDwOx4
— DeepState Illuminate (@TheDeep_State6) May 2, 2025
Очевидци сведочат дека возилото удрило и жена во инвалидска количка. Сликите од местото на несреќата прикажуваат и уништена количка за бебе на трамвајските шини, што дополнително ја илустрира сериозноста на инцидентот. Возачот на теренското возило бил веднаш уапсен од страна на полицијата и е во притвор. Засега не е познато дали се работи за намерен напад или заобиколување на сообраќајните правила што довело до трагичната несреќа.
„Истрагата е во тек во сите правци,“ додаде портпаролката.
На местото на настанот интервенираа и спасувачки служби кои им укажуваат помош на повредените. Сообраќајот во центарот на градот е во застој, а неколку трамвајски линии се привремено прекинати поради уништената инфраструктура.