Украина денес направи важен чекор во напорите за враќање на своите заробени војници. Претседателот Володимир Зеленски потврди дека 390 украински војници, кои беа заробени од руските сили за време на воените дејства, се вратиле дома.
„Ги враќаме нашите луѓе дома. Денес – 390 луѓе. Ви благодарам на сите што неуморно работите, ден и ноќ, за да се овозможи враќањето на нашите граѓани. Секоја личност е важна, секое име го проверуваме внимателно. Продолжуваме со дипломатската работа за да ги направиме овие чекори возможни“, објави Зеленски на својот канал на Телеграм, пренесе украинската новинска агенција УНИАН.
Ова, како што истакна претседателот, е само првата фаза од големата размена на затвореници договорена меѓу украинската и руската делегација. Според договорот постигнат на 16 мај во Истанбул, двете страни се согласија на размена во формат „1000 за 1000“.
Размената се смета за еден од најголемите чекори досега во напорите за деескалација и хуманитарна помош за заробените во конфликтот.
We are bringing our people home. The first stage of the “1000-for-1000” exchange agreement has been carried out. This agreement was reached during the meeting in Türkiye, and it is crucial to implement it in full.
Today – 390 people. On Saturday and Sunday, we expect the… pic.twitter.com/OPIXycWcbA
— Volodymyr Zelenskyy / Володимир Зеленський (@ZelenskyyUa) May 23, 2025