Семејството Адамс е една од омилените класици на многу луѓе за гледање на Ноќта на вештерките. Станува збор за црна комедија од 1991 година, а улогите во неа ги толкуваа Анџелика Хјустон, Кристина Ричи, Раул Џулија, Кристофер Лојд, Џими Воркман и многу други.
Џими имаше само 11 години кога излезе филмот. Ја играше улогата на Пагсли Адамс – младо, лукаво и брилијантно момче.
Тој пристигна на аудицијата на семејството Адамс со неговата постара сестра Шенел Воркман, која сакаше да ја игра Венсдеј Адамс. Сепак, улогата на крајот и припадна на актерката Кристина Ричи, па Шенел не глумеше покрај нејзиниот брат во хит филмот.
Џими бил забележан од режисерот Бери Соненфелд и продуцентот Скот Рудин додека играл на сетот и бил замолен да чита за улогата на Пагсли и врз основа на тоа добил улога.
Иако неговиот лик на многумина им се допадна и стана популарен во 90-тите, Џими, кој денес има 44 години, многу брзо се откажа од глумата. По семејството Адамс се појави во мали улоги во филмовите како што се Black Sheep, As Good as It Gets, Christmas in Connecticut и The Biggest Fan. Беше и во серијата Matlock.
Сепак, Воркман се повлече од актерството и започна кариера зад камерите. Од 2019 година живее во Калифорнија со своето семејство и се занимава со различни работи во рамките на филмската продукција. Неговата помлада сестра е Ариел Винтер, позната по улогата на Алекс Данфи во серијата Модерно семејство.
Претходно овој месец, Воркман повторно се соедини со своите колеги во Л.А. на Comic Con. Тој беше придружуван од Анџелика Хјустон, Кристофер Лојд, Ричи и Карел Струјкен. После тоа, Лојд објави фотографија на Инстаграм со натпис: „Семејството што опседнува заедно останува заедно“.