Alpine е подготвена да ја започне својата ера на целосно електрични автомобили, но пред тоа да се случи, пристигна уште едно изненадување за љубителите на A110.
Станува збор за моделот A110 R Ultime, верзија на спортското купе со високи перформанси, чие производство е ограничено на 110 примероци, а цената е 265.000 евра и може да достигне и до 330.000 евра.
A110 R Ultime го следи A110 R, кој дебитираше пред две години. Најголемото подобрување доаѓа од 2.0-литарскиот турбо-мотор со четири цилиндри, кој сега развива 350 КС и 420 Nm вртежен момент, што е за 50 КС и 80 Nm повеќе од A110 R.
Ultime исто така има нов менувач, подобрена аеродинамика и „поостра“ наместена шасија. Alpine тврди дека забрзува од 0 до 100 km/h за 3,8 секунди, односно 0,1 секунда побрзо од претходниот модел со помош на Launch Control.
Со цена од 265.000 евра, тој е повеќе од двојно поскап од A110 R од 105.000 евра на кој всушност се базира. Оние кои имаат уште повеќе пари и го сакаат најскапиот модел на Alpine досега, можат да ја изберат верзијата Atelier Sur Mesure Alpine La Bleue прикажана на фотографиите, која ќе биде произведена во само 15 примероци и ќе чини 330.000 евра.