Ако некогаш сте се запрашале дали е можно еден човек да живее за филм, да го потчини својот ум и своето тело на кадарот, да ја стави славата на услуга на успехот на проектот во кој е ангажиран, одговорот е Том Круз и „Mission Impossible“!
Пред нас е неверојатна минута и 56 секунди од првиот трејлер за продолжението на франшизата што го фрла светот под нозе „Mission: Impossible: The Final Reckoning“.
Тензијата, адреналинот, брзината и емоциите, во комбинација со кадри кои ќе ве натераат да не трепнете за да не пропуштите ниту една секунда, а дијалозите кои на секоја реченица и даваат подлабоко значење, доведоа до мислата дека веќе го имаме најголемиот филм на 2025 година.
А уникатниот Том Круз и овој пат докажа дека е подготвен да оди чекор понатаму во својот спектакуларен настап.
Исто така, гледајќи го првиот трејлер, ќе забележите дека легендарниот филмски херој, Итан Хант, односно Том Круз, главниот актер во осмото продолжение на франшизата, го носи истиот костим што го носеше за време на изведбата на легендарната егзибиција за време на церемонијата на затворање на Олимписките игри во Париз, во август годинава.
Со тој настан, кој најави дека следните Игри ќе се одржат во 2028 година во Лас Вегас, спортот и уметноста беа споени на уникатен и незаборавен начин, бидејќи во секоја „Невозможна мисија“ Том Круз ги спојува физичките вештини и актерскиот талент.
Филмот „Mission Impossible: The Final Reckoning“ во режија на Кристофер МекКуари ќе пристигне во кината на 22 мај 2025 година.