Украинските сили соборија Мерлин-ВР, најскапиот експериментален извидувачки дрон. Членови на украинската стратешка група Кортисија објавија видео од нападот на Телеграм, прецизирајќи дека ударот се случил во близина на Лиман, пишува Киев пост.
На видеото можете да видите како Украинците го таргетираат дронот и потоа пукаат во него. Пред да се урне, леталото експлодирало.
„Трката за непријателското „крило“ ја организираа противвоздушни топџии од механизираната бригада со нивните колеги од артилериската бригада“, се вели во извештајот.
Операторите на артилериската бригада први стигнале до дронот, додека механизиран дрон на бригадата го снимил соборувањето на рускиот дрон од височина од неколку километри.
Shooting down the most expensive Russian UAV "Merlin-VR" worth more than $300 thousand. 😃
Merlin-VR has a hybrid powertrain (electric motor plus internal combustion engine), which makes it possible to reduce noise level in flight & increase its durationhttps://t.co/dcHEhDw7Oz pic.twitter.com/PvAchwobLo
— Sander (@SanderRegter) April 8, 2025
„Ова е најскапиот руски извидник без екипаж, Мерлин-ВР – експериментален дрон кој чини над 300.000 долари“, објави командата.
Мерлин-ВР може да лета на висина до пет километри, да остане во воздух до десет часа и да помине растојание од 600 километри.
„Меѓутоа, оваа не стигна многу далеку бидејќи крилата му беа исечени“, се додава во извештајот.
Украинските сили кои се занимаваат со беспилотни системи неодамна уништија три руски системи за воздушна одбрана „Бук“ во Курск во рок од 12 часа.
Украинските пилоти со помош на беспилотни летала FPV погодиле фрлач Бук-М2, скриен во шумата, кој експлодирал поради ударот. Тие, исто така, оштетија два лансери Бук-М3 со таргетирање на нивните радари, оневозможувајќи ја способноста на системот да ги следи и води проектилите.
Бук-M3 се проценува на околу 45 милиони долари, додека Бук-M2 чини околу 100 милиони долари.