Откако во јуни беше хоспитализирана поради сериозна бактериска инфекција која можеше да има фатални последици, Мадона оваа есен ја продолжи турнејата „The Celebration Tour“, а на Интернет деновиве се појави снимка од нејзиниот настап во Германија и провокативниот танц со една од танчерките.
Имено, со песната „Papa Don’t Preach“, Мадона и нејзината танчерка се прегрнаа на кревет во долна облека и ги допираа нивните интимни делови, а видеото брзо предизвика лавина негативни коментари.
„Воопшто не ми се допаѓа ова. Тоа е како да ја гледам баба ми како го прави тоа“, „Дали вака мора да привлекува внимание на себе?“, „Има 65 години и ова е толку непријатно да се гледа“, напишале фановите под видеото.
Сепак, имаше и такви кои застанаа во одбрана на поп-пејачката.
„Имам 50 години и не се сеќавам што направив вчера, таа изгледа одлично“, „Луѓето треба да сфатат дека ова е уметнички настап“, напишале други.