Netflix го објави првиот трејлер за претстојната спортска драма Rez Ball во продукција на Леброн Џејмс. Драмата е напишана и режирана од Сидни Фриленд (Drunktown’s Finest), кој исто така работеше на познатата серија на FX Reservation Dogs.
Филмот Rez Ball бил инспириран од вистински настани опишани во книгата Canyon Dreams: A Basketball Season on the Navajo Reservation, напишана од Мајкл Пауел, и од написите на New York Times кои претходеле на самата книга.
Филмот го следи средношколскиот кошаркарски тим Chuska Warriors од Ново Мексико, составен од тинејџери од индиски резерват. Откако го загубија својот најдобар играч, членовите на тимот мора да направат се што можат за да не им се распаднат соништата за националниот шампионат.
Главните улоги во Rez Ball ги толкуваат Џесика Метен, Џулија Џонс, Амбер Мидтандер, Киова Гордон, Далас Голдтут и Коди Лајнтинг.