Во пресрет на Оскарите, најважните филмски награди во историјата на седмата уметност, традиционално се прогласуваат добитниците на наградите „Златна малина“, наградата за најлошите достигнувања на големото платно во изминатата година, што никој не сака да ги освои.
Joker имаше најмногу номинации
Овогодинешните награди „Златна малина“ беа предводени од Joker: Folie à Deux со седум номинации, а веднаш зад нив се Madame Web, Megalopolis, Borderlands и Reagan, секој со само една номинација помалку.
Победник (поточно губитник) на вечерта беше филмот Madame Web, кој покрај наградата за најлош филм, ја однесе и наградата за најлошо сценарио и најлоша главна актерка. За најлош актер е прогласен комичарот Џери Сајнфелд, чие хумористичко дело Unfrosted за многумина не беше смешно. Френсис Форд Копола е прогласен за најлош режисер.
Инаку, првите награди „Златна малина“ се одржани во 1981 година, а апсолутен рекордер е актерот Силвестер Сталоне, кој може да се пофали со 12 награди и преку 20 номинации.
Погледнете ги сите добитници на наградата „Златна малина“ подолу:
Најлош филм: Madame Web
Најлош актер: Џери Сајнфелд (Unfrosted)
Најлоша актерка: Дакота Џонсон (Madame Web)
Најлоша споредна машка улога Џон Војт (Megalopolis, Reagan, Shadow Land и Strangers))
Најлоша споредна женска улога: Ејми Шумер (Unfrosted)
Најлош режисер: Френсис Форд Копола (Megalopolis)
Најлоша филмска двојка Хоакин Феникс и Лејди Гага (Joker: Folie a Deux)
Најлош приквел, римејк, рип-оф или продолжение: Joker: Folie a Deux
Најлошото сценарио: Madame Web