Помрачувањето што сега и го прави власта на Македонија ќе заврши на 15 октомври годинава и ќе дојде нова ера со ВМРО-ДПМНЕ, им порача партискиот лидер Никола Груевски на присутните на вечерашната конвенција на ВМРО-ДПМНЕ во спортската сала Борис Трајковски за промоција на нејзините кандидати за градоначалници.

Груевски образложи 20-тина точки од документот „Новата ера почнува“ што е и нивен слоган за престојните локални избори.

Лидерот на ВМРО ДПМНЕ, како што рече, во новата ера со него и неговата партија ќе ги направела градовите интелегентни и модерни а во напуштените села ќе ги врателе жителите на кои ќе им изграделе асфалтни патишта и ќе имале интернет.

Во, вообичаено за него, долгиот говор на крај истакна дека целта во која се убедени е дека по локалните на кои ќе победеле, ќе издејствувале предвремени парламентарни избори и дека ВМРО-ДПМНЕ многу бргу ќе се врателе на власт.