Од македонското МНР најавуваат дека во текот на денот и официјално ќе реагираат на серијата грчки префрлања, обвинувања и осуди по вчерашната интервенција на полицијата и на АРМ на границата.
Грција вчера прво испрати протестна нота до Македонија, осудувајќи ги насилните инциденти со бегалците на границата.
Грчкото МНР истакна дека употребата на насилство не помага да се реши проблемот со бегалците и оди против меѓународното и хуманитарното право.
Денеска прво грчкиот претседател Прокопис Павлопулос остро забежа дека со насилниот однос кон бегалците Македонија покажала дека не заслужува да биде членка ниту на ЕУ ниту на НАТО.
Веднаш потоа грчкиот премиер Алексис Ципрас изјави дека „голем срам и за Европа и за Македонија се вчерашните инциденти на Идомени“.
Наумов до учесниците на домашниот пазар на капитал: Ниту една одлука на Ставревски не е доставена до мене…
Ципрас остро ја критикуваше Македонија што нападнала невооружени бегалци, кои, според него, воопшто не претставувале опасност за државата и ги осуди насилните инциденти во кампот на Идомени.
Тој истакна дека вчерашните инциденти поставуваат два нови предизвици за грчката влада. Едниот од нив се странските активисти, кои, според Ципрас, живеат некаде околу Гевгелија и поттикнуваат протести меѓу бегалците, а вториот предизвик е ставот на македонската полиција, која насилно нападнала бегалци кои немале оружје.
– Втор предизвик за нас е ставот на силите на поранешната југословенска Република Македонија. Против луѓе кои немаа оружје, не беа сериозна закана за нив, одговорија со солзавец и со гумени куршуми. Сакам да кажам дека ова е голем срам за европската култура и за земјите што сакаат да се дел од европската култура – истакна Ципрас.