Европа треба да ги интегрира мигрантите кои пристигнуваат на нејзина територија, но не и „широко да ја отвора вратата на ирационален начин“, изјави патата Франциско во интервју за францускиот весник „Ла Кроа“.

Запрашан дали Европа може да прими толку голем број мигранти тој одговара дека „тоа е вистинското прашање, бидејќи не може да се отвори широко вратата на ирационален начин“.

Папата нагласува дека основно прашање е зошто има толку мигранти и дека иницијални проблеми се војните на Блискиот Исток и во Африка, како и слабиот развој на африканскиот континент, што доведува до глад.

– Треба да се интегрираат, најлошо е да се гетоизираат, смета поглаварот на Римокатоличката црква.