Четвртиот натпревар од полуфиналната серија помеѓу Денвер Нагетс и Оклахома Сити Тандер предизвика лавина реакции на социјалните мрежи, особено поради две спорни ситуации што ја разбудија старата дебата за судискиот критериум во НБА.
Навивачите се бесни – трикратниот МВП Никола Јокиќ повторно не доби фер третман. Целиот натпревар беше изложен на груба игра: го влечеа, го удираа и го провоцираа, а судиите најчесто замижуваа.
Од друга страна, Шеј Гилџис-Александер добиваше фаули речиси за секој контакт. Впечатокот кај многумина е дека судиите имаат сосема различен аршин кога се работи за Јокиќ и Шеј.
Кулминацијата беше во споредливи ситуации кај двајцата. По фаул на Хартенштајн врз Јокиќ, судиите не му признаа поени и му доделија само две слободни фрлања. Неколку минути подоцна, во речиси идентична акција, Шеј доби и признати поени и дополнително фрлање.
Фановите се прашуваат: како е можно да има толкава разлика во судиските одлуки за две речиси идентични ситуации? И зошто Јокиќ, и покрај сите свои достигнувања, сè уште не добива почитта што ја заслужува?
Neither of these are fouls in a healthy basketball league. And I don't see the difference in continuation between the two. pic.twitter.com/JCwc1P8RIL
— Adam Mares (@Adam_Mares) May 11, 2025