Дидие Дрогба, кој навивачите на Челси го сметаат за еден од најголемите фудбалери во историјата на клубот, повика на трпение со сегашните играчи бидејќи повеќето од нив се уште се премногу млади.
Лондончани потрошија 1 милијарда фунти за нови играчи, но тимот е само 11-ти во Премиер лигата. Логично, се шират се посериозни гласини за можнен отказ на менаџерот Маурисио Почетино.
„Ова не е лесен период за клубот“, прокоментира поранешниот напаѓач во интервју за „Скај Спортс“.
„Мислам дека тимот има добри напаѓачи – продолжи Дрогба. – Челси е сепак Челси. Овие млади играчи дојдоа во клубот поради наследството што ние го оставивме. На овие играчи им треба време да се навикнат, но, за жал, во фудбалот нема време. Се сеќавам кога пристигнав во Челси, главната група на играчи беа 24-25 години, некои 26 или 27 години. Тогаш веќе бевме подготвени да бидеме дел од големата игра, а овие уште учат бидејќи се помлади. Кога овие играчи ќе го достигнат својот врв, сите ќе речат „Леле, ова е новата генерација“. Само епрашање на време“.
🗣️ "One day they will reach their peak" 📈
Former Chelsea striker Didier Drogba says Mauricio Pochettino and the current squad needs to be given time at the club 🔵 pic.twitter.com/TBa9RDrBQz
— Sky Sports Premier League (@SkySportsPL) February 7, 2024
Африканецот застана и во одбрана на Почетино: „Сите знаат што постигна во Премиер лигата. Менаџерот дава се од себе“.