Шпанскиот крал Фелипе VI се соочи со гневниот народ за време на посетата на регионот Валенсија, кој е погоден од невидени поплави. Дел од нив фрлаа со кал кон кралот кој беше опкружен од личното обезбедување и полициски службеници.
На видеото може да се види разгневената толпа која извикува „убиец“ и „срам“ кон кралот, прашувајќи го зошто ништо не е преземено за да се избегне трагедијата, јавуваат шпанските медиуми.
Најлошите поплави во Шпанија во последните децении оставија цели населби покриени со кал и преполни со оштетени автомобили и отпад.
Повеќе од 200 луѓе загинаа во поплавите, а многумина се водат за исчезнати. Вработените во итната помош продолжуваат да ги пребаруваат подземните паркинзи и тунелите со надеж дека ќе најдат преживеани и ќе извлечат тела.
#Spain 🇪🇸
The King of Spain, His Majesty Felipe VI was conspised and was called a murderer by the disaster-striken inhabitants of #Paiporta.
Jets of mud and objects were observed. Prime Minister #Sanchez received the same welcome because he accompanies the king.
Residents are… pic.twitter.com/y61LaUHwlf
— World_news (@News02World) November 3, 2024
Луѓето се гневни бидејќи немало предупредување и недоволна поддршка од надлежните по поплавите. Кралот Фелипе и кралицата Летиција ја посетија Паипорта, град кој беше тешко погоден.
Во саботата, шпанскиот премиер Педро Санчез нареди помош од дополнителни 10.000 војници, полицајци и цивилна стража во областа.
Додаде дека е свесен дека одговорот „не бил доволен“ и признал дека има „тешки проблеми и недостатоци“.